Сиқырлы кітаптар
№14 Белкөл кітапханасында «Сиқырлы кітаптар» атты ата-аналармен open-air іс-шарасы өткізілді. Кітап әлеміне шолу жасай отырып, ата-аналармен бірлесіп балалардың кітапқа деген қызығушылығын ояту, кітапты таңдай білуіне ықпал ету мақсатындағы шара барысында «Кітаптар сөйлейді» атты кітап көрмесі бойынша қызықты әдебиеттер, ертегілер таныстырылды. Шара барысында «Ертегілердің бала дүниетанымын қалыптастырудағы маңызы» тақырыбында бала-бақша психологы О.Куразбаева әңгімелеп, ата-аналар жас бүлдіршіндерге айтқан ертегілерін сипаттады. «Сиқырлы кітаптар» бөлімінде шараға қатысушылар өз пікірін жеткізіп, бүлдіршіндер бал тілімен ертегі айтты.
