Оспанханның Орынбасар інісі
№17 кітапхана «Қаламгер сағаты» жобасы аясында «Оспанханның Орынбасар інісі» атты әдеби портрет шарасын назарларыңызға ұсынады. Орынбасар Әлжіков-Сыр бойында облыстық деңгейдегі түрлі-түрлі қызмет саласымен де, шығармашылығымен де салиқалы сардар азаматтығымен де ел ықыласына бөленіп, абырой құшағында жүрген қаламгер. Жас кезінен –ақ мемлекеттік қызметтің біраз бұйдасын ұстаған, қай қызметте болсын абыройын төкпей-шашпай, өзінің іскерлігі мен басқару қабілетін көрсетті. Шара қонағы Қазақстан Жазушылар Одағының мүшесі, ақын Мұхамеджан Нұрханов жазушы жайлы лебізін білдірсе, кітапхана оқырмандары сатирик-жазушының ««Ич» пен «Ұлы» жайлы», «Ас әлемнің иесі» сықақ өлеңдері мен әзіл-қалжыңдарынан үзінді оқыды.
Шараның мақсаты: Өскелең ұрпақ өкілдерін жерлесіміз сатирик-жазушы Орынбасар Әлжіктің шығармашылығымен таныстыру, оларды кітап оқуға шақыру.
