Тұран топырағының даңқты перзенті - Жалаңтөс Баһадүр
Ескерткіштер әрбір елдің тарихы мен өткенінен сыр шертер халықтың ұлттық байлығы ғана емес, сол елдің өткені мен бүгінін саралауға мүмкіндік беретін маңызды құрал. №1 кітапхана мен №13 балалар кітапханасының ұйымдастыруымен «Тұран топырағының даңқты перзенті - Жалаңтөс Баһадүр» атты әдеби-сазды кеш Баһадүр ескерткіші жанында өткізілді.Шараға Қызылорда қалалық ауыл шаруашылығы және ветеренария бөлімінің сектор меңгерушісі Ш.М Жұмадиллаев, «Жалаңтөс Баһадүр» атындағы Республикалық қордың төрағасы – Н.Т.Мұсабаев, орынбасары – Б.Ұзақбаев, ақын, сценарист, режиссер Оңталап Нұрмахановтар қатысып, есімі кейінгі ұрпаққа үлгі-өнеге қазақтың әйгілі батыры, аса көрнекті қолбасшы ұлы бабамыздың өмірі жайлы, Самарқанның әмірі, жан-жақты ғұламалығы туралы тарихи естеліктер айтты. Жас оқырмандар батыр бабамызға арнаған ақындар өлеңдерін жатқа оқып, патриоттық әндер шырқалды. Жалаңтөс Баһадүр баба рухына тағзым етіп, гүл шоқтары қойылды.
