«Алтын тостағанды іздеу: Бату мен оның достарының бастан кешкендері» кітабы
№17 Қызылжарма ауылдық кітапханасы 22 сәуір-Халықаралық кітап күні қарсаңында балалардың кітапқа деген қызығушылығын арттыру мақсатында бір кітаптың тарихы шарасын назарларыңызға ұсынады.
Биылғы жылы «Бір ел-бір кітап» республикалық акциясы аясында Тәуелсіздіктің 30 жылдығына арналып таңдалған 30 үздік шығарманың ішінде балалар әдебиеті жанры бойынша Зира Наурзбаева мен Лиля Калаустың «Алтын тостағанды іздеу: Бату мен оның достарының бастан кешкендері» кітабы жалпыхалықтық оқуға ұсынылған еді.
Шығармада Бату атты бала мен оның достарының басынан кешкен оқиғалары негізінде, ертегі – аңыз кейіпкерлері мен тарихи деректер тәуелсіздік кезеңінің бүгінгі шындығымен байланыстырыла суреттелген. Шым – шытырық оқиғалар жанрында жазылған хикаят жас жеткіншек оқырмандарды қызықтырып, қиялына қанат бітіретін тартымдылығымен баурайды. Кітап авторларының шығармашылық жолы таныстырыла отырып, кітапхана оқырмандары кітап мазмұнын терең жеткізе білді.
