Абзалдық әліппесі
№6 кітапхана ұйымдастыруыменен жазушы Мырзагелді Кемелдің «Абзалдық әліппесі» кітабы С.Ысқақов атындағы Құрылыс және бизнес колледжінің 2 курс студенттері арасында талқыланды. Кітапхана оқырманы, ардагер ұстаз Ә.Жалғасбаев, колледж кітапханашысы Б.Ибрагимова оқырмандарға «Абзалдық әліппесі» кітабы бойынша даналық сөздердің мағыналарын ашып түсіндіріп берді. 2 курс студенттері А.Омарова, М.Әбжан, Н.Есентай, Д.Әбдіраш, С.Төлепберген жазушының кітаптарынан үзінділер оқып, пікір таластырды. «Рухы мол жазушы» атты кітап көрмесіне қойылған жазушының шығармалары - көне үнді даналығының, қытай ақылмандарының қазіргі заманғы парапсихологтардың кітаптары, қазақ тіліне аударған 5 томдық "Кемел" атты керемет сыйлық басылыммен шыққан "Ойтұмар", "Ойдана", "Ойсана", "Ойтаным", "Ой-дәптер" шығармалары таныстырылды, жастар кітаптардың электрондық нұсқасына қызығушылық танытты.
