Елімнің бақытын тербеткен - Тәуелсіздік
А.С.Пушкин атындағы орталық кітапхана мен №18 кітапхана ұжымы бірлесіп «Парасат жолы» жобасы аясында Тәуелсіздігіміздің 30 жылдығына орай «Елімнің бақытын тербеткен - Тәуелсіздік» атты кездесу кешін өткізді.
Кездесу кешіне арнайы С.Ысқақов атындағы Қызылорда Құрылыс және Бизнес колледжінің мұғалімдері желтоқсан оқиғасының куәгерлері Топжанова Бибіжан мен Орғабаева Майра, колледж студенттері, № 43,271 орта мектептің 10 сынып оқушылары, кітапхана оқырмандары қатысты. Шара барысында қонақтар өскелең ұрпаққа 1986 жылғы желтоқсан оқиғасы жайлы айтып, жастарды өз елінің адал патриоты болуға шақырды. Жас оқырмандар «Тәуелсіз ел» атты әдеби монтажға қатысып, мәнерімен жүрек жарды өлеңдерін оқыды. Патриоттық әндер шырқалып, кездесу кешінің сәнін келтірді.
