Мақтанышым-Тәуелсіз Қазақстан
№14 кітапханада Тәуелсіздіктің 30 жылдығына орай №93 «Балапан» бала-бақшасымен бірлескен «Мақтанышым-Тәуелсіз Қазақстан» атты ертеңгілік өткізілді.
Шара барысында жас бүлдіршіндер мемлекетіміздің әнұранынан бастап отан, тәуелсіздік, туған жер т.б тақырыптарда тақпақтарын жатқа оқып, әндер шырқады. «Бақытты балалық шақ» атты бейне баян көрсетіліп, еліміздің рәміздері жайлы мәліметтер берілді. Сонымен қатар күн өткен сайын көркейіп келе жатқан қаланың ең әсем ғимараттарының суреттерін таңдай отырып, «Қаламыз тәуелсіздік жылдарында» атты суретті альбом жасады. Кітапханашы жас бүлдіршіндерді көркем суретті альбом кітаптар арқылы еліміздің көркем қалаларымен таныстырып, балалар әдебиеттерін насихаттады.
