Рухты оятатын тұлға
А.С.Пушкин атындағы орталық кітапхана қоғам қайраткері, белгілі ғалым, профессор, абайтанушы Ғарифолла Есімнің 75 жылдық мерейтойы қарсаңында «Рухты оятатын тұлға» атты онлайн шолуды желі пайдаланушылар назарына ұсынады.
Ғарифолла Есім талай жыл жоғары оқу орындарында ұстаздық еткен, Парламенттің жоғары палатасында сенатор қызметін атқарған қоғам қайраткері. Қай салада, қай қызметте де Ғарифолла адами биіктіктің, кәсіби біліктіліктің жоғары тұғырынан түскен емес. Шолу барысында желі пайдаланушыларына кітап көрмесіне қойылған жазушының «Хакім Абай» (даналық дүниетанымы), « Жар жағасы» кітабы, « Абай туралы философиялық трактат», «Данышпан Шәкәрім» және де басқа философиялық еңбектері, ой-толғаулары, дүниетанымдық мәселелері баяндалған әдебиеттер кеңінен насихатталды.
