Келешек баламен көрікті
Қалалық орталықтандырылған кітапханалар жүйесіне қарасты №10 Қызылөзек ауылдық кітапханасында 2022- Балалар жылына орай «Келешек баламен көрікті» атты ертеңгілік өткізілді. Біріншіден «Кітаппен бірге өсеміз» атты арнайы безендірілген балалар әдебиеті бұрышы таныстырылып, әдебиеттерге шолу жасалды. Жас оқырмандар қазақ ақындарының жыр жолдарын жарыса мәнерлеп оқып, бал тілдерімен «Әрқашан күн сөнбесін әнін әуелете шырқап, кітапхананы бала шаттығына бөледі. Түрлі-түсті, көркем суретті кітаптарға қызығушылық танытқан балалар кітапханаға оқырман ретінде тіркеліп, оқуға кітап алды.
