Қазақтан шыққан тұңғыш дәрігерлер
Қалалық орталықтандырылған кітапханалар жүйесіне қарасты №18 кітапхана «Парасат жолы» жобасы аясында «Қазақтан шыққан тұңғыш дәрігерлер» тақырыбында оқырмандар назарына онлайн әңгіме ұсынады.
Әңгіме барысында қазақтан шыққан тұңғыш дәрігерлер есімдері таныстырыла келе, қазақ даласындағы алғашқы аурухананы салдырып, алғашқы жоғары білімді қазақ дәрігері Мұхаммеджан Қарабаев, республикада дәріхана жүйесінің негізін қалаушы Мәжит Шомбалов, қоғам қайраткері, медицина профессоры, ұлағатты педагог Санжар Асфендияров туралы мәліметтер айтылады.
Елімізде емдеу ісі мен дәстүрлі медицинаның тарихына тоқталып, еліміздің денсаулық сақтау ісін ұйымдастыруға, дамытуға еңбек сіңірген қазақ дәрігерлерінің ерен еңбегі әңгімеленеді.
