Базар жыраудың әдеби мұрасы
Қалалық оралықтандырылған кітапханалар жүйесіне қарасты №16 қалалық кітапхананың ұйымдастыруымен «Парасат жолы» жобасы аясында Сыр сүлейі - Базар Оңдасұлының 180 жылдығына орай «Базар жыраудың әдеби мұрасы» атты ауызша журнал № 136 мектеп оқушылары арасында өткізілді.
Базар Оңдасұлы – Сыр сүлейлерінің көшін бастап кеткен даңғайыр жырау, саңлақ суреткер. Сыр бойының жыраулары мен шайырлары Базар жырауды көзі тірісінде-ақ өздеріне ұстаз тұтқан, оның өнегесін ұстанған. С. Сейфуллин «Бұқар жыраудан кейінгі қазақтың ірі жырауы – Базар жырау» десе, М. Жұмабаев «Асса елдің қамын ойлаған, қаласа өзінің ойына терең бойлаған» - деп Базар жыраудың ақындық қарым-қабілетін жоғары бағалайды.
Шара барысында оқырмандар екі бөлімнен тұратын ауызша журналдан Базар жыраудың өмірбаяны, жыраулық жолға түсуі, оның шығармаларының тақырыптары жайлы мәліметтер алды. Сонымен қатар кітапхана қорындағы Базар жыраудың өлең-толғаулары, жыр дастандарымен танысты.
Мақсаты: Базар жыраудың әдеби мұрасын жас ұрпаққа насихаттау.
