Кітаптар сыр шертеді
Қалалық орталықтандырылған кітапханалар жүйесіне қарасты №7 Қарауылтөбе ауылдық кітапханасы 2022-Балалар жылына орай «Кітаптар сыр шертеді» атты ашық есік күнін ұйымдастырды. Жас оқырмандар кітапхананың кітап қорымен, кітапхананы пайдалану ережесімен, түрлі тақырыптаға кітап көрмелерімен, алуан тақырыптағы кітаптармен танысып, сусындады. Өздеріне арналған көркем безендірілген кітап көрмесі бойынша қазақ, әлем жазушыларының кітаптарымен, дыбысты заманауи үлгідегі электронды кітаптармен, ертегі, жұмбақтармен кеңінен танысты. Балаларға арналған жаңадан түскен әдебиеттерге шолу жасалып, жұмбақ айтып жарысты.
