Сұрапыл жылдар шежіресі
№6 кітапхана Қызылорда көпсалалы гуманитарлық-техникалық колледжінде Ұлы Жеңістің 74 жылдығына арнап «Сұрапыл жылдар шежіресі» атты көшпелі кітап көрмесін ұйымдастырды. Жастар назарына отандастарымыздың ерлігін баяндайтын кітаптар, фотоальбомдар, көркем шығармалар, соғыс кезеңдері мен шайқас оқиғалары туралы әңгімелер ұсынылды. Оқу залында ұйымдастырылған бұл кітап көрмесі өскелең жас ұрпақты Ұлы Отан соғысы тарихымен, Қазақстандықтардың майдан даласында көрсеткен ерліктерімен таныстыра отырып, отандастарымыздың тылдағы еңбектерін ұмытпауға, қан майданды бастан кешірген ардагерлерге тағзым етуге, отансүйгіштікке шақырды.
