Қайырым жасау – қадірлі іс
Қалалық орталықтандырылған кітапханалар жүйесіне қарасты №17 Қызылжарма ауылдық кітапханасында 1 Наурыз Алғыс айту күніне орай «Қайырым жасау – қадірлі іс» атты қайырымдылық акциясы өткізілді.
Қайырымдылық – халқымыздың ең ізгі қасиеттерінің бірі. Аялы алақанын, жүрек жылуын ұсыну, сауабы мол іске атсалысу – әрбір адамның азаматтық парызы. Акция аясында Қызылжарма ауылының тұрғыны мүмкіндігі шектеулі А.Сражадиновке Балалар жылына орай түрлі-түсті балалар кітабы мен тәтті сыйлықтар берілді. Шараның мақсаты: мүмкіндігі шектеулі балаларына көмек қолын созу, оларға рухани тұрғыда қолдау көрсету.
