Әлемнің жарығын сыйлаған
Қалалық орталықтандырылған кітапханалар жүйесіне қарасты № 20 кітапхана 8 наурыз – Халықаралық әйелдер күніне орай «Әлемнің жарығын сыйлаған» атты Виртуалды кітап көрмесін оқырман назарына ұсынады. Көрменің мақсаты Қазақ тарихында II ғасырдан бастау алып, бүгінгі күнге дейінгі әйел аналарымыз туралы мол мағлұматтар беретін кітаптармен таныстырып өту.
Қазақ дәстүріндегі ақ кимешекті әже мектебі- қашаннан ұлт дәстүрінің алтын арқауы, тәрбие бастауы. Тұтас бір әулетті мейірімі мен шапағат шуағына бөлеп, өткен өмірдің ащы сабағы мен тәлімді тағылымын ұрпағына үлгі – өнеге етіп отыратын мейірбан әжелер мен батыр аналарымыз халқымызда аз болмаған. Солардың бірі аты аңызға айналған Домалақ ана, Қарашаш ана, Бопай ханым,Жаған бикем, Айғаным ана т.б осы аналарымыздың ізін жалғастырушы Роза Бағланова, Әмина Өмірзақ, Фариза Оңғарсынова сынды аналарымызды, еліміздің азаттығы жолында ерлермен қатар майдан алаңына кірген батыр аналарымызбен, қаһарман арулар қатарынан орын алатын айтулы тұлғаларымыз ретінде ұрпақ жадында сақталуы тиіс.
