Кітапхана-білімнің күншуағы
23 сәуір — әлем әдебиеті үшін айтулы күн— Дүниежүзілік кітап және авторлық құқықты қорғау күні. Осы айтулы мереке аясында қалалық жүйеге қарасты №1 кітапхананың ұйымдастыруымен «Кітапхана-білімнің күншуағы» атты ашық есік күні ұйымдастырылды. Оқырмандарға кітапхана туралы толық ақпарат беріліп, «Елімнің еркіндігі-Тәуелсіздік», «Әдеби жылнама», «Танысыңыз жыл кітабы», «Туы биік, тұғыры берік-Сыр елі», «Өнер тарландарының өмірінен» атты бес бөлімді кітап көрмесі таныстырылды. Ашық есік күніне №11 мектеп лицейінің 8б сынып оқырмандарымен,сынып жетекшісі Серікбаева Мөлдір, № 176 мектептің 8б сынып оқырмандарымен кітапханашысы Смагулова Ләззат қатысып, 2022 –Балалар жылы аясында «Балалар біздің болашағымыз» атты кітап көрмесі бойынша жаңа әдебиеттер таныстырылды.
Кітап дегеніміз-алдыңғы ұрпақтың артқы ұрпаққа қалдырған рухани өсиеті.Кітапхана-білімнің күн шуағы. «Ізденсем білсем» деген балаға кітапхананың есігі әрқашан ашық.
Мақсаты: Оқырмандарды еліміздегі тарихқа толы қазыналы мекенімізбен таныстыру. Әдебиетке, әдеби кітаптарды оқуға шақыру, адам өмірінде кітаптың алар орны ерекше екендігін түсіндіріп, кітап оқуға деген қызығушылығын арттыру.
