Береке бастауы бірлік, ел іші тату тірлік
1 Мамыр – Қазақстан халқының ынтымағы мен бірлігі мерекесіне орай №2 балалар кітапханасында «Береке бастауы бірлік, ел іші тату тірлік» атты екі тілде әдеби монтаж ұйымдастырылды.
Шара барысында қазақ және орыс ұлты ақын жазушыларының достыққа , бейбітшілікке, халық арасындағы ынтымаққа арналған өлендер оқылып, Қазақстан түрлі ұлттардың басын қосқан ұлы мекен екендігі айтылды.
Шара соңында «Достық шаңырағының астында» атты кітап көрмесіне библиографиялық шолу өтті. Бұл шараның мақсаты, ел ішіндегі түрлі ұлт пен дін өкілдерінің бір-біріне деген сый-құрметін арттырып, татулықты, бірлікті, ортақ құндылықтарды насихаттау.
