Татулық-достықтың киелі бесігі
1-мамыр Қазақстан халықтарының бірлігі күні мерекесіне орай «Парасат жолы» жобасы аясында А.С.Пушкин атындағы орталық кітапханада «Татулық-достықтың киелі бесігі» атты достық кітап көрмесі ұйымдастырып, кітапхана оқырмандарына кеңінен насихаттады.
Шолу барысында кітапханашы Кенжебаева Мақпал шараға қатысушыларға көрмеге қойылған «Қазақстан:бірлік пен әр алуандық жолында», «Қазақстан және әлем елдері» атты кітап-альбомды, О.Жанайдаровтың «Менің елім Қазақстан» балалар энциклопедиясын, « Этнос и религия в Казахстане: история и судьбы» ,«Қазақстан және әлем елдері» атты кітаптарды және де әр ұлт өкілдерінің тарихын, салт-дәстүрін, ұлттық дастархан мәзірін дәріптейтін басылымдар беттерінде жарық көрген мақалаларды таныстырып, насихаттады.
Шара соңында «Абылайхан» атындағы жоғары колледж оқытушысы жастарымызға бүгінгі көпұлтты мемлекетімізді мекендейтін халықтар достығы жайлы өзінің келелі ой-пікірін жеткізді.
Мақсаты: Қазақстанда тату-тәтті өмір сүретін халықтардың әдет-ғұрпын, әдебиетін, дәстүр-тарихын, тілін қастерлеп, бүгінгіміз бен келешегімізді жалғайтын жас ұрпаққа ұғындыру, насихаттау және де өскелең ұрпақ жүрегіне өз ұлтының тілін, дінін біле отырып, өзге ұлттың рухани байлығын да сыйлауға, құрметтеуге тәрбиелеу.
