Жер жанаты – Жетісу
Қалалық орталықтандырылған кітапханалар жүйесіне қарасты № 20 кітапхананың ұйымдастыруымен Жер жанаты – Жетісу» атты жазғы кітап жобасы аясында танымдық сағат өткізілді. Жетісу – Қазақстанның ең көрікті, әдемі жерлерінің бірі болып табылады. Қасиетті Жетісу жерінің қойнауы тарих пен шежіреге тұнып тұр, сол тарихтың қатпар - қатпар құпиясынан суыртпақтап сыр алсақ аймақтың аңыздарына тірелеміз. Жетісу солтүстіктен оңтүстікке 900 км-ге, ал батыстан шығысқа 800 км-ге созылған үлкен аумақты қамтиды. Жетісу жерінде « Алтын емел», «Шарын, Турген шатқалдары», «Әуезді құм», «Тамғалы тас», « Ақсу – Жабағалы» т.б қорықтар мен туристік жерлері бар. Тылсымға толы тұмса табиғатқа туристер көптеп келеді. Жер жанаты – Жетісу. Тәуелсіздік жылдарында жүзеге асқан талай жетістігіміздің қайнар көзі. Егемен елдің өткенін түгендеп, бүгінін қалыптауға тер төккен талай жақсы мен жайсанның кіндік қаны тамған жер.
