Отбасы- тіршілік тірегі
Талдыарал ауылдық №11 кітапханада «Отбасы- тіршілік тірегі» атты қыз-келіншектер арасындағы дөңгелек үстел ұстаздар мен белсенді оқырмандар арасында өткізілді. «Отбасы- бұл қоғам негізі» тақырыбында мектеп мұғалімі Ғ.Нағышыбаева баяндама жасап, «Отан отбасынан басталады» деген халық даналығына түсінектеме берді. Еліміздің болашағының тізгінін ұстар ұрпақ тәрбиелеп, ата- бабамыздан қалған ұлттық тәрбиеге дақ түсірмей санасына сіңіру әрбір ата-ананың мерейлі міндеті, парасатты парызы екендігін ұстаз А.Нұрымбаева түсінікті етіп жеткізіп, оқырмандар отбасының беріктігі және отбасындағы бала тәрбиесі, оның құқықтары жайлы пікір алмасты. Бірнеше кітаптар мен мерзімді басылымдар оқуға ұсынылды.
