Қазақстан ормандары
Қалалық орталықтандырылған кітапханалар жүйесіне қарасты №2 балалар кітапханасы «Жазғы кітап» бағдарламасы аясында «Қазақстан ормандары» атты онлайн саяхат ұйымдастырды. Іс-шара барысында жас оқырмандарға еліміздегі ормандар мен онда тіршілік ететін аң-құстар, жан-жануарлар, өсімдіктер жан-жақты таныстырылып, адам өмірі үшін баға жетпес байлығымыз болып саналатын жасыл-желек орман-тоғайларымызды көздің қарашығындай күтіп ұстаудың маңыздылығы жайлы ақпараттар айтылды. Іс-шараның мақсаты – жас ұрпаққа экологиялық тәрбие беру, қоршаған ортаны таза ұстауға баулу, таным көкжиектерін арттыру.
