Ата- заң- арым менің
Қалалық орталықтандырылған кітапханалар жүйесіне қарасты №14 филиал Белкөл кітапханасында 30- қыркүйек ҚР Конституция күніне байланысты «Ата- заң- арым менің» атты кітап көрмесі таныстырылды. Шараға кітапхана оқырмандары, жастар, клуб қызметкерлері белсенді қатысты.
Шараның мақсаты: Конституциялық заңдардың, қағидаларын тұжырымдап, ата- заңымыздың мемлекет тәуелсіздігінің де негізі екенін жастарға түсіндіру. Адамзат баласының өмір сүру қағидаларын заңды жолмен қорғаған басты заңымызды қорғауға, құрметпен қарауға тәрбиелеу. Жастардың бойында отан сүйгіштік, елжандылық қасиеттердің қалыптасуына ықпал ету.
Көрмеге заң тұрғысындағы, құқықтық кітаптар «Қазақтың ата- заңдары», «Қазақстан Республикасының Конституциялары», Ж. О. Артықбаевтың «Жеті жарғысы», Қазылов М.А «Қ.Р әкімшілік құқығы» кітаптары қойылып, таныстырылды. Кітапхана жаңа оқырмандармен толықтырылды.
