Ұлттық тәрбие – ұлағат көзі
№2 балалар кітапханасы мен №233 мектеп кітапханасының бірлесе ұйымдастыруымен «Ұлттық тәрбие – ұлағат көзі» атты дөңгелек үстел ұстаздар қауымы мен ата-аналар қатысуымен өтті. Мектеп тәлімгері А.Т.Амандық «Рухани құндылық дегеніміз не?» деген тақырып аясында өз ойын айтып, «Қазақ халқының салт-дәстүрін біздің қазіргі балалар қаншалықты жақсы біледі», «Ұлттық тәрбие неден басталады?» деген тақырыптар төңірегінде оқырмандар ой-пікір өрбітті. Бүгінгі жас ұрпақтардың бойына ұлттық рухани құндылықтарымызды сіңіре отырып, ата-баба дәстүрінде тәрбиелеу ұлттық болмысымызды сақтаудың, рухани жаңғыруымыздың негізі болып табылады деген ортақ тұжырымда шара қорытындыланды.
