Ел дамуының басым бағыттары
Қалалық орталықтандырылған кітапханалар жүйесіне қарасты №16 кітапхананың ұйымдастыруымен «Қызмет көрсету және сервис» колледжі студенттері арасында «Ел дамуының басым бағыттары» атты ақпарат сағаты өткізілді.
Шара барысында студенттерге мемлекет басшысы Қ. К. Тоқаевтың «Әділетті мемлекет. Біртұтас ұлт. Берекелі қоғам» атты 1 қыркүйек күні жолдаған Қазақстан халқына жолдауы таныстырылып, жолдаудағы ел дамуының негізгі бес бағыты жайлы, оның ішінде – экономикамызда қордаланған мәселелер, денсаулық сақтау саласы, білім жүйесі, студенттердің несиесі мен жатақханасы, жастарды жұмыспен қамту, балалардың жәрдемақысы, әйелдердің зейнет жасы, Президент сайлауының мерзімі туралы ақпараттар берілді.
