Экология – ел тағдыры
Қалалық орталықтандырылған кітапханалар жүйесіне қарасты №13 балалар кітапханасының «Экология – ел тағдыры» атты тақырыптық сағат Ә. Тыныбаев атындағы № 11 мектеп – лицейінің кітапханасында 5 «А» сынып оқушыларымен өткізілді. Шараға аға кітапханашы Ш.Байымбетова, А.Кульмагамбетова, сынып жетекші З.Т.Мәди қатысып, К.Мінсізбай, Ж.Қасымов, Т.Әбдірахим қоршаған орта тақырыбында жұмбақтардың жауабын тез тауып, белсенділік көрсетті.
«Экология – табиғат жүрегі» атты кітап көрмесіне В.М.Песковтың «Сымға қонған құстар», А.Б.Мырзабаевтың «Балаларға дала экожүйесі туралы», Г.С.Оспанованың «Экология. Оқулық», «Қазақстан. Ұлттық энциклопедия», «Мектептегі сыныптан тыс жұмыстар», «Табиғатым – тағдырым», «Табиғат - ел байлығы» т.б. мерзімді басылым беттерінде жарық көрген материалдар кітапхана оқырмандарына насихатталды.
