Белсенді оқырмандар жанұясы
№15 Талсуат ауылдық кітапханасында рухани ойлау дәрежесі биік, білікті де білімді азаматтар тәрбиелеу мақсатында «Белсенді оқырмандар жанұясы» бенефисі Смағұловтар отбасының қатысуымен өткізілді. Марлен, Нұрай және Назым Смағұловтар өздері оқыған кітаптары мен кітап оқудың тәрбиелік мәні туралы айтты. Абайдың қара сөздерін, қазақ ақындары М.Мақатаевтың, Ф.Оңғарсынованың, С.Сейфуллиннің өлеңдерін, Бауыржан Момышұлының «Ұшқан ұя» кітабынан үзінділер оқыды. Б.Соқпақбаевтің «Менің атым Қожа» кітабынан және Айгүл Жұбаныштың «Жаңбыр жауса екен...», салауатты өмір сүру тақырыбында жазылған «Гиппократ анты үшін...» әңгімесінен көріністер көрсетіп, жастарды кітап оқуға шақырды.
