Дәстүрлі дала өркениеті
№20 кітпахананың ұйымдастыруымен түркі тектес халықтардың, оның ішінде қазақ халқының материалдық, тұрмыстық және рухани құндылықтарының шығу тегі мен даму сатысы, этностық мәдениетінің қалыптасуының тарихын таныстыру мақсатында «Дәстүрлі дала өркениеті» атты кітап көрмесі ұйымдастырылды.Ұшса құс қанаты талар ұлы дала жерді түрлі тарихи кезеңдерде мекен еткен тайпалар мен олардың құрған мемлекеттері қазақ тарихының, өркениетінің ажырамас бөлшегі екендігі мәлім. Көрсетілімдегі кітаптардан қазақ халқының байырғы мәдениеттің иелері, негізінен, осы ұлан-ғайыр кеңістікті талай мыңжылдықтар бойы мекен еткен тұрғылықты жұрттар екендігін біле аламыз. Қазақстан Республикасының тәуелсіз ел ретінде халықаралық аренада өз орнын алуы – осы мәдениеттің мәңгіге сақталғандығының кепілі. Бүгінгі қазақ мәдениеті – Түркі өркениетінің жалғасы, бай мәдени мұрасы.
