Қазақстан. Ұлы дала Елі.Тәуелсіздік
А.С.Пушкин атындағы орталық кітапханада «Парасат жолы» жобасы аясында "Қазақстан. Ұлы дала Елі.Тәуелсіздік" атты кең көлемді кітап көрмесі ұйымдастырылып, оқырмандарға таныстырылды. Кітап көрмесінде Қазақ елінің сонау ықылым заманнан бері дербес, Тәуелсіз ел болу мақсатындағы еркіндік пен бақытты өмір сүру үшін жүргізген толассыз, тынымсыз күрестерінің сан ғасырлық тарихынан сыр шертетін тарихи деректер жайлы айтылған кітаптар таныстырылып, Тәуелсіз мемлекеттіміздің символдары «Қазақ елі», «Мәңгілік Ел» қақпасы, «Тәуелсіздік монументі», «Тәуелсіздік таңы» ескерткіштері жайлы мәліметтер берілді. Шара барысында Абылайхан атындағы №140 орта мектептің қазақ тілі мен әдебиет пәнінің мұғалімі Музарапшина Жұлдызай Мирамбекқызы жастарымызға «Ата-бабалардың аңсауымен, толассыз күрестің, желтоқсаншы жастардың қайсарлығымен орнаған Тәуелсіздіктің маңызы мен мағынасы туралы айтты.
