Кітапхана – білімпаздар мекені
Қалалық орталықтандырылған жүйеге қарасты №13 балалар кітапханасында «Кітапхана – білімпаздар мекені» шарасы өткізіліп, Ә.Тыныбаев атындағы №11 мектеп – лицейінің 4 «В» сынып оқушылары мен сынып жетекшісі, кітапхананың меңгерушісі Ш.Байымбетова кітапханаға саяхат жасады. Биылғы жылдың тұрақты көрмелері «Бір ел –бір кітап» акциясына таңдалынып алынған Төлен Әбдіковтың шығармалары, «Алақай жаңа кітаптар», «Менің Отаным - Қазақстан», «Табиғатты аялап, бағалай білейік» атты кітап көрмелері таныстырылып, насихатталды. Жас оқырмандар ұнатқан кітаптарын оқып, жаңа әдебиеттермен танысты.
