Балаларға қуаныш сыйлаған басылым
Биыл, бастауыш сынып балаларына арналған республикалық "Балдырған" журналының алғашқы санының жарыққа шыққанына 65 жыл толып отыр. Осы орайда №2 балалар кітапханасында «Балаларға қуаныш сыйлаған басылым» атты кітап көрмесіне әдеби шолу өтті. Шараға Абылайхан атындағы №140 мектептің А.С.Терекбаева Ақдидар жетекшілік еткен 3 «б» сынып оқушылары қатысты. Шолу барысында, 1958 жылдан бастап әр саны балаға қуаныш сыйлайтын журналдың тарихы, бас редакторы болған белгілі ақын, Қазақстанның халық жазушысы Мұзафар Әлімбаевтың, Тұманбай Молдағалиевтың, Дүйсен Мағлұмовтардың ерең еңбектері жайлы айтылып, қызықты айдарларымен таныстырылды.
