Ер елінің қорғаны
Қалалық орталықтандырылған кітапханалар жүйесіне қарасты №6 кітапхана 7 мамыр – Отан қорғаушы күніне орай «Ер елінің қорғаны» атты ерлік сағатын өткізді. Шара барысында кітапханашы жас оқырмандарға атаулы күннің тарихын, мән-мағынасын түсіндіріп, еліміздің амандығы мен тыныштығы үшін кірпік қақпай Отан алдындағы азаматтық борышын өтеп жүрген сарбаздардың ерлік істері мен өнегелі өмірлері жайлы әңгімеледі. Сонымен қатар жас оқырмандар патриоттық рухта жазылған өлеңдерді мәнерлеп оқып, билер билеп өз өнерлерін ортаға салды. Отан, адамгершілік, ерлік, әскери өмір жайлы жазылған әдебиеттермен танысты.
