Қапаста жазылған хаттар.
Қалалық орталықтандырылған кітапханалар жүйесіне қарасты №7 Қарауылтөбе ауылдық кітапханасында 31 мамыр қуғын- сүргін құрбандарын еске алу күніне орай «Қапаста жазылған хаттар» атты әдеби оқу өткізілді. Әдеби кешімізде жас оқырмандар әр кезеңде ұлтжандылығы мен халқының азаттығы үшін ұсталып, құрбан болған ата-бабаларымыздың қапаста жатып жазған жыр-хаттарын мәнерлеп оқып таныстырды. Өз өмірін тергеуші алдында өлеңмен батыл өрнектеген Ығылман, Файзолла, Байдүкен толғауларын, халқым деп тебіренген Насихат, Закария, Пішән, Ахат, Асанбай Асқаровтың жырларын А.Қуанышбай, Ф.Құлмұратов, Э.Базарбек оқырманға жеткізді.
