А.Байтұрсынов-қазақ халқының рухани көсемі
31 мамыр-саяси қуғын-сүргін құрбандарын еске алу күніне орай №19 қалалық кітапхана мен Жастар ресурстар орталығы ұйымдастыруымен «А.Байтұрсынов-қазақ халқының рухани көсемі» атты әдеби-тарихи кеш өткізілді. Кеш бір минут үнсіздікпен саяси қуғын-сүргін құрбандарын еске алумен басталып, «Жастар бастамаларын дамыту» бөлімінің басшысы Қалиев Бағлан Аманбекұлының кіріспе сөзіне жалғасты. ҚМУ студенті Ә.Қарамұратов баяндама жасап, нәубетті жылдардан көптеген мәліметтер келтірді. Колледж студенттері Г.Серікбай, А.Өтешов, Б.Кенжебайұлы., С.Сағындық, Ғ.Шаймағанбет, А.Шамшат қазақ ақындарының жырларын жатқа оқып, «Дәуірдің жарық жұлдызы» атты кітап көрмесі ұйымдастырылды.
