Қызыл кітап құпиясы.
А.С.Пушкин атындағы орталық кітапхана «Жазғы кітапхана» жобасы аясында кішкентай оқырмандарымен «Қызыл кітап құпиясы» тақырыбында қызықты ақпаратпен бөлісті. Шара барысында оқырмандарымыз арнайы ұйымдастырылған кітап көрмесімен жақынырақ танысып, сирек кездесетін және жойылып кетуі мүмкін жануарлар, өсімдіктер, жәндіктер, балықтарға қатысты қызықты деректермен танысты. Кітапханашы Төлендиева Данагүл «Флора мен фауна өкілдерінің жойылуының ең басты себебі – ол адам, сондықтан біздер қоршаған ортаға және табиғатқа ерекше назар аударуымыз керек» деп шолу соңында жастарымызды қоршаған ортаны қорғап, оған қамқорлық жасауға шақырды.
