«Ақ желкен» повесі
Қалалық орталықтандырылған кітапханалар жүйесіне қарасты №1 кітапхана ұйымдастыруымен Қазақтың көрнекті ақыны Ғафу Қайырбековтың «Ақ желкен» повесі бойынша кітап талдауы Ә.Тынымбаев атындағы №11 мектеп-лицейінің 9-сынып оқушылары қатысумен өткізілді. Шарада Ғафу Қайырбековтың өмірбаяны баяндалып, шығарма кеңінен талқыланды. Оқырмандар шығарманың басты кейіпкері Қабікеннің балалық шағының қалай өткені жайлы, сонымен бірге болашақ өнер иесінің өскен ортасы, өсу құбылыстары, рухани өмірінің сатылау жолы туралы кеңінен әңгімеледі. Шығарманың негізгі идеясы тақырыбы айтылып, мазмұны толық ашылды.
