Спорт – біздің серігіміз
Қалалық орталықтандырылған кітапханалар жүйесіне қарасты №2 балалар кітапханасы жас оқырмандардың дене шынықтыру мен спортқа, салауатты өмір салтын ұстануға, қазақтың ұлттық ойындарына деген қызығушылықтарын арттыру, ой-өрістерін кеңейту мақсатында «Спорт – біздің серігіміз» атты спорттық викториналық ойын ұйымдастырды. Шараға Абылай хан атындағы 140 мектептің 4 «а» сынып оқушылары қатысып, «Сұңқар мен қарлығаш», «Ақсүйек», «Түйме алу», «Асық ату», «Қол күрес», «Көкпар», «Бәйге», «Арқан тарту», «Қазақша күрес» және т.б. қазақтың ұлттық ойындарының жасырылған суреттері бойынша сұрақтарға тез және нақты жауап беріп, өз алғырлықтары мен зеректіліктерін көрсете білді.
