Шебер қолдың шуағы
Қалалық орталықтандырылған кітапханалар жүйесіне қарасты №9 Ақжарма ауылдық кітапханасында қазақтың әйгілі кескіндемешісі, график-суретші, қазақ бейнелеу өнерінің негізін салушылардың бірі Ә.Қастеевтің 120 жылыдық мерейтойына орай «Шебер қолдың шуағы атты» тақырыбында сурет салу сайысы өткізілді. Оқушылар өздерінің қиялдарындағы қыстың әдемі келбетін қағаз бетіне ерекше бейнелермен бейнелеуге тырысты. Олардың салған шыршасы, аққала жасап жүрген балалар бейнесі, түрлі қар мүсіндері – адамға керемет көңіл сыйлайды. Жас суретшілердің суреттері қиялға бай, әдемі, табиғаттың қысқы ертегідегідей кейпін өздері қалай көріп сезінсе, сол қалпында бейнелеген. Бұл сайыста достық жеңді және барлық сайысқа қатысқан балалар тәтті сыйлықтармен марапатталды.
