Ұлылар ұлағаты
Қалалық орталықтандырылған кітапханалар жүйесіне қарасты №17 Қызылжарма ауылдық кітапханасында «Ұлылар ұлағаты» атты ғибрат сағаты өткізілді. Шара барысында ерен еңбектерімен, парасат-пайымымен, даналығымен халық жадында мәңгі сақталған қазақ әдебиеті тарихындағы ұлы тұлғалардың бірі Шәкәрім Құдайбердіұлы, қазақ дедективінің дарабозы Кемел Тоқаев, ұлтшыл ақын Мұрат Мөңкеұлының, тілтанушы Ісләм Жарылғаповтардың өмірі мен еңбек жолынан мәлімет берілді. Ұлы тұлғалардың өмір жолдарына арналған кітаптар мен мерзімді басылымдар насихатталды. Мақсаты: Жас ұрпақ өкілдерін ұлы адамдардың өмірімен таныстыру, ұлағатты ұрпақ тәрбиелеу.
