Ниязов Мұхтар Мәуленұлы
Қалалық орталықтандырылған кітапханалар жүйесіне қарасты №19 кітапханада айтыскер ақын, үш дүркін алтын домбыра иегері, Н.Бекежанов атындағы музыкалық-академиялық драма театрының директоры Ниязов Мұхтар Мәуленұлымен сұхбат кеші өтті. Шараға Қорқыт Ата атындағы ҚМУ-дың «қазақ тілі мен қазақ әдебиеті мұғалімі» мамандығында оқитын студенттер мен №140 Абылай хан атындағы орта мектептің оқушылары және кітапханашылар қатысты. Мұхтар Мәуленұлы кітаптың өз өміріндегі кітаптың маңыздылығы туралы айтып, жастарды кітап оқуға шақырды. Кітап және кітап оқу мәдениеті тақырыбында ашық пікір алмасулар болды. Студенттер тарапынан кітап оқу қажеттілігі жайында, тұлға болып қалыптасудағы кітап оқудың маңызы турасында сұрақтар қойылды.
