«400 тәтті тақпақ» кітабы
№4 кітапханада №253 мектебінің 1 сынып оқушыларының қатысуымен ақын Баянғали Әлімжановтың 70 жасқа толуына орай «400 тәтті тақпақ» кітабының таныстырылымы өткізілді. Шарада кітапхана оқырмандары ақынның жинаққа енген «Отан», «Отбасы», «Оқу-білім» жайлы өлеңдерін жатқа оқып, әндер шырқады.Ақынның балаларға базарлық ретінде ұсынған «400 тәтті тақпақ» жинағы балдырғандардың балаң көңілін, таза санасын жақсылыққа үндеп, жамандықтан жирендіріп, отансүйгіштікке, адалдыққа, адамгершілікке шақыратын, ұлттық құндылықтарымыздың мәнін ұғуға тәрбиелейтін ерекше кітап. Бұл жинақ автордың риясыз пейілмен балаларымызға жасаған керемет базарлығы, тамаша сыйлығы болды.Мақсаты: Жас оқырмандарды қазақ ақын жазушыларының шығармаларымен таныстыру,кітапхана қорына келіп түскен жаңа балалар әдебиеттерін насихаттау.
