Талсуат
«Адал адам» мәдени тәрбие орталығының «Әлем book» бағыты бойынша №15 кітапхана мен Талсуат ауылдық клубының бірлесе ұйымдастыруымен саясаткер, өлкетанушы, журналист, "Азаттық" сыйлығының иегері Сағат Жүсіптің «Талсуат» кітабының тұсау кесер рәсімі өткізілді. Талсуат елді мекенінің арғы-бергі тарихынан сыр шертетін кітаптың жарыққа шығуына жергілікті меценат, облыстық маслихат депутаты Ерназаров Қайрат Шаршыбекұлының демеушілік жасады.. Талсуат ауылының тарихын архивтерден зерттеп, шындықты толғаған кітап ауыл тұрғындарымен жастардың қызығушылығын тудыруы анық. Кітаптың таныстырылымына ауыл тарихының куәгерлері -ардагерлер қатысты. Талсуат ауылының арнай гимнін №178 мектеп оқушылары орындады.
