Боямасыз өмір
Қалалық орталықтандырылған кітапханалар жүйесіне қарасты №10 кітапхана және №39 «Қызылөзек» орта мектебі бірлесе отырып Қазақстан Жазушылар Одағының мүшесі Өріс Яшүкірқызының 75 жылдығына орай «Боямасыз өмір» атты әдеби кеш өткізіді. Шара барысында ақынның юмор-сатирасынан Жұмабек Кәусар «Бағаланарма сатира», «Ұяң биік бүркітсің» өлеңдерін мәнерлеп оқыды. Жазушының кітапхана қорындағы «Ескі қоныстағы ел», «Боямасыз өмір»,«Жіп тұзақ» шығармаларындағы нарықтық заманымыздағы ауыл өмірі,ондағы өмір сүріп жатқан адамдардың шынайы тіршіліктері бойынша кітапхана оқырманы Мұратқан Аяулым қысқаша айтып өтті. Оқырмандарға жазушының кітаптары таныстырылып шолу жасалды.
