Есірткімен күрес – салауатты ұрпақ үшін.
Қалалық кітапханалар жүйесіне қарасты №1 кітапханада «Есірткімен күрес – салауатты ұрпақ үшін» тақырыбында мамандармен кездесу кеші болып өтті. Шараға №4 емхананың салауатты өмір салтын қалыптастыру маманы, дәрігер Жамила Айдарбекқызы, жастар денсаулық кабинетінің мейірбикесі Т.Искакова қатысып есірткінің адам өміріне зияндылығы мен қауіптілігі туралы айтып, көптеген мәліметтер келтірді. Сонымен қатар өмірімізге қауіпті есірткі сияқты зиянды заттарға әуес болмауға, ғаламдық дертке жол бермей қарсы күреске шақырды. Шара соңында «Есірткімен күрес – салауатты ұрпақ үшін» атты кітап көрмесі ұйымдастырылып, оқырмандарға әдебиеттер насихатталды. Оқырмандарды салауатты өмір салтына бейімдеп, зиянды әдеттерден аулақ болуға шақыру.
