Білім болашақтың бастауы.
2024 жылдың 5 қыркүйек күні А.С.Пушкин атындағы орталық кітапханада «Білім болашақтың бастауы» атты ашық есік күні өткізілді. Мақсаты: Өскелең ұрпақты кітапхана жұмысымен, арнайы ұйымдастырылған кітап көрмелеріне қойылған әдебиеттермен таныстырып, кітапханаға оқырман тарту. Ашық есік күніне кітапхана жанында орналасқан оқу орындары – «Абылайхан» атындағы жоғары колледжі, Қызылорда «Сейхун» колледжі, С.Ысқақов атындағы құрылыс және бизнес колледжінің 1 курс студенттері мен Қызылорда облысы бойынша Қылмыстық-атқару жүйесі департаментінің қызметкерлері қатысып, кітапхана қоры мен бөлімдерімен, «РАБИС» электронды, дәстүрлі каталог, картотекамен жұмыс жасауды танысып үйренді. Шара барысында кітапханада ұйымдастырылған кітап көрмелерімен оның ішінде Мемлекет басшысы Қ.Ж. Тоқаевтың 2 қыркүйек күні Қазақстан халқына жолдаған жолдауына орай «Бағыт – басым, мақсат - айқын», Тілдер мерекесіне арналған «Тіл – ұлттың жаны, әр халықтың байлығы» атты кітап көрмелеріне қойылған әдебиеттермен танысып, қажетті ақпараттар алды. Ашық есік күніне барлығы - 71 адам қатысты, оның ішінде кітапханаға оқырман болып 15 адам жазылды.
