Құстар еркіндіктің белгісі
№20 кітапхана «Жазғы кітап» жобасы аясында «Құстар еркіндіктің белгісі» атты балалар сағатын ұйымдастырды. Шараға «Балапан әлемі» балабақшасының «Жауқазын», «Қызғалдақ», «Таңшолпан» тобының бүлдіршіндері қатысты.
Шараның мақсаты – жас бүлдіршіндерге құстар туралы мағлұмат бере отырып табиғатқа, қоршаған ортаға деген түсініктерін қалыптастыру. Құстарды қорғау мен қамқорлық жасау керек екенін түсіндіру. Кітапханашы кішкентай оқырмандарға кітапхана қорындағы кітаптардан ертегілер оқып, мазмұнын айтып берді.
