Домбырам – жүрегіммен үндес
№7 кітапханада Ұлттық домбыра күніне орай «Домбырам – жүрегіммен үндес» атты өнер сағаты өтті.
Домбыра – асқақтата ән салып, күмбірлетіп күй төккен өнерпаз халқымыздың асылынан артық қастерлеп үкі таққан, жалғызындай аялап қақ төріне ілген ең қымбат, ең сүйікті музыкалық аспаптардың бірі.
Бүгінші шарада жас оқырмандарға Қарауылтөбе ауылдық клубының сүйемелдеушісі Темірбай Нұрболат «Балбырауын», «Ерке сылқым», «Адай» т.б күйлерін тамылжыта орындады. Ал, кітапханашы домбыра аспабының шығу тарихына тоқталып, қазақтың атақты күйшілері туралы мәлімет берді.
