Сананы торлаған ғаламтор
№12 кітапхананың ұйымдастырумен «Сананы торлаған ғаламтор» атты танымдық сағат өтті. Шараның мақсаты – оқырмандарға кітаптың қоғамдағы орнын, барлық білімнің кітап арқылы берілетінін ұғындыру, кітап оқуға деген қызығушылықтарын арттыру, ғаламтордың пайдасы мен зиянын ұғындыру.
Шара барысында бірқатар сұрақтар талқыланып, оқырмандар «Ғаламтордан алған білім мен кітаптан алған білімнің айырмашылығы неде?», «Қазіргі жастар неге кітап оқуға құлықсыз?» деген сұрақтар төңірігінде өз ойларын ортаға салды. Сондай-ақ оқырмандарға кітап оқудың пайдасы мен кітап оқудағы ережелер туралы видеоролик көрсетілді.
