Қазақ рухын оятқан тұлға
№9 кітапханада қазақтың аса көрнекті ағартушысы, қоғам қайраткері, ақын, жазушы, жалынды көсемсөз шебері Міржақып Дулатовтың 140 жылдығына орай «Қазақ рухын оятқан тұлға» атты портрет кеші болып өтті.
Іс - шараның мақсаты – оқырмандарды М.Дулатовтың өмірі мен шығармашылығы, оның қазақ әдебиетінің, мәдениетінің және ұлттық сананың дамуына қосқан үлесімен таныстыру.
Шара барысында оқушылар жазушының өмір жолы, «Алаш» қозғалысына қатысуы, сондай-ақ бостандыққа, білімге және халықтың бірлігіне үндейтін шығармалары туралы мәлімет алды. Сонымен қатар кітапханашы М.Дулатовтың алғашқы қазақ романы «Бақытсыз Жамал» шығармасынан үзінді оқып, қысқаша мазмұнын айтып берді.
