Теңге – ұлттық ақша
№12 кітапхана И.В.Панфилов атындағы №5 мектеп-лицейінің 4 «А» сынып оқушыларының қатысуымен 15 қараша - Ұлттық валюта күніне орай «Теңге – ұлттық ақша» атты тақырыптық әңгіме өткізді.
Мақсаты - Қазақстан тәуелсіздігінің маңызды нышаны төл теңгеміздің тарихы мен енгізілуі кезеңдерімен және алғашқы банкноттардың бейнесімен таныстыру. Ұлттық құндылық пен қаржылай сауаттылыққа үйрету.
Шара барысында Қазақстан Республикасының ұлттық валютасы – теңгенің маңызы және еліміздің экономикасындағы рөлі туралы мәлімет беріліп, ақшаның пайда болу тарихы, өз ұлттық теңгеміздің айналымға енуі, жаңадан айналымға енген ұлттық валютаның қажеттілігі, безендірілуі туралы кеңінен таныстырылды.
