Көркем аударма қаламгері
А.С.Пушкин атындағы орталық кітапхана «Сейхун» колледжінің студенттерінің арасында ғалым, жазушы Евней Бөкетовтің туғанына 100 жыл толуына орай «Көркем аударма қаламгері» атты әдеби сағат өткізді.
Шараның мақсаты - қазақтың көрнекті ғалымы, жазушы, аудармашы Евней Букетовтің өмірі мен шығармашылығын насихаттау, оқырмандардың әдеби дүниетанымын кеңейту.
Шара барысында кітапханашы Е.Бөкетовтің өмірі мен шығармашылық қызметіне тоқталып, оның қазақ әдебиетіне және ғылымына қосқан үлесі туралы әңгімеледі.
Сонымен қатар қатысушылар Е.Бөкетовтің А.С.Пушкин, М.Горкий, А.Чехов сынды әлем әдебиетінің классиктерінен жасаған аудармалары туралы пікір алмасып, ұлттық аударма мәдениетіне деген қызығушылығын арттырды.
